Leiðbeiningar

Áður en þú byrjar
Til þess að tryggja að tölvan þín vinni eðlilega þarftu að yfirfara nokkrar stillingar.
Yfirfara stillingar

Skráning á námskeið
Til þess að þú getir skráð þig á námskeið þarftu fyrst að sækja viðkomandi forrit og setja það upp í tölvuna þína. Þegar þú ræsir forritið býðst þér að skrá þig á námskeiðið.

Greitt fyrir námskeið
Áður en þú staðfestir skráninguna verður þú beðinn að ganga frá greiðslu til ökuskólans. Um leið og gengið hefur verið frá greiðslunni og skráningin staðfest getur þú byrjað á námskeiðinu.

Nánari leiðbeiningar um skráningu og greiðslu

Ökuskólinn
an image
Ekill ehf.
Goðanesi 8 - 10
600 Akureyri
Tölvupóstur: ekill@ekill.is

Sími: 4617800
Fax: 4617810

Námskeið fyrir próf á létt bifhjól

Áður en tekið er próf á létt bifhjól þarf að fara í gegnum bóklegt námskeið. Hægt er að taka námskeiðið nokkru fyrir prófið, en þú skalt þó hafa samráð við ökukennara um það hvenær best hentar að gera það. Námskeiðsforritið finnur þú í aftasta dálkinum hér að neðan.

Hvernig virkar kerfið?
an image

Fjarnám Ekils er eins og hvert annað forrit. Þú sækir það á netið og setur það upp í tölvuna þína. Þetta þarft þú bara að gera einu sinni og síðan ræsir þú einfaldlega forritið í tölvunni í hvert sinn sem þú vilt vinna við námskeiðið.

Á meðan þú ert að vinna við námskeiðið er tölvan þín í samskiptum við gagnagrunn á netinu. Þegar þú ert að vinna þarf tölvan því alltaf að vera tengd við netið, helst með öflugri tengingu eins og ADSL.

Þú þarft ekki alltaf að vinna á sömu tölvu. Eina sem þarf að gera er að setja upp forritið upp á þær tölvur sem þú hyggst nota.
Spurningar eða vandamál?
an image

Komi upp einhverjar spurningar eða vandamál skaltu ekki hika við að hafa samband við Grétar Viðarsson, umsjónarmann nám- skeiðanna.

Ef vandamálin eru tæknilegs eðlis, t.d. ef illa gengur að setja upp forritið upp eða það virkar ekki eðlilega er best að hafa samband beint við Jónas Helgason, umsjónarmann tölvu- kerfisins.

Komið hefur í ljós að uppsetning fjarnámsins gengur mjög hægt á sumum tölvum með Windows Vista. Allt virkar þó eðlilega að uppsetningu lokinni.

Fjarnámið er því miður aðeins til fyrir PC tölvur. Frekari upp- lýsingar má fá með því að hafa samband við Jónas Helgason, umsjónarmann tölvukerfisins.

Í skólum og stofnunum hafa notendur oft mjög takmörkuð réttindi á tölvukerfin. Ef þú lendir í vandræðum skalt þú tala við umsjónarmann tölvukerfisins.
Sækja námskeiðið
an image

Námskeiðsforritið er í tveimur eintökum á netinu. Það er alveg sama hvort eintakið þú sækir. Þú skalt fyrst prófa að sækja skrá sem heitir LettBifhjolSetup.exe. Ef það gengur, þá þarf ekki annað en að tvísmella á hana og samþykkja allt sem þá kemur á skjáinn.

Það getur gerst að stillingar á tölvunni þinni komi í veg fyrir að þú getir sótt skrá sem endar á .exe. Þá skaltu sækja skrá sem heitir LettBifhjolSetup.zip. Þá færðu skrá sem er þjöppuð og hana þarf fyrst að opna með með þjöppunarforriti. Það gerist oftast sjálfkrafa ef tvísmellt er á skrána.

Þegar þú ert búinn að opna .zip skrána birtist skráin Lett bifhjol Setup.exe. Þú tvísmellir á hana og samþykkir svo allt sem kemur á skjáinn.